Cordón Trenzau

Diaplin dixa un comentario, y mos comunica, dende o diaple d’o gadchet que son prebando y amillorando o que puestar a primera traduczión d’un sistema de nabegazión GPS a l’aragonés, si besitaz a suya pachina tiene penchau un bidio an se beye (y se siente, que ye lo importán) como funziona a traduczión.

Buen triballo mozé, que por zierto no se qui yes pero de seguras que te podemos reclutar ta softaragonés.

NOTA: ¡¡No eba parau cuenta de que os enlazes d’a dreita dimpués d’a autualizazión d’o wordpress s’eban esborrau!!, y no m’ez abisau, imos que ya los he recuperau, y si belun mas quiere que le faiga un enlaze que me comente.

Más informazión: O diaple d’o gadchet

Foi copy-paste (traduziu) d’a pachina d’o programa:

¿quiers saber que ye la cultura libre y por que critica a lo copyright?
¿t’agana lo mundo hacker pero no sabes reyalmén que fan?
¿sientes curiosidá por saber que ye lo hacktibismo?
¿ixo d’o software libre te suena bien pero quiers saber de que ba reyalmén?

Si respondes “si” a istas preguntas brainhack ye lo tuyo programa. Un nuebo programa de radio que se emite toz os Lunes de 19 a 20 oras en RadioTopo 101.8FM. En o que azercaremos lo mundo d’as nuebas tecnolochías a lo común d’a chen, charraremos d’o mundo hacker sin tecnizimos ni paroletas frikis.

Nos rodiaremos de animals, como si estase un Zoo: pingüins, ñus, camellos, pexes globo, pitons, demonios, … Remeraremos aquellas añadas en as que los ordinadors ocupaban abitaziones enteras, os hackers se colaban en as universidaz diseyosos de conozimiento, los phreackers asaltaban os retes telefonicos y lo ziberespazio yera un espazio libre pleno de posibilidaz compuesto por BBSs. Charraremos arredol d’a situazión autual d’as nuebas tecnolochías, d’as leys que pribatizan a cultura y d’as tecnolochías que mos controlan en as nuestras bidas. Y asaber-lo más.

A primera emisión sera lo próximo Lunes 31 de Marzo. Los programas se colgarán en este podcast.

Mas informazion: Brainhack, Radio Topo.

L’atro diya teniemos una chicota trobada bels intresaus en traduzir software a ista luenga nuestra, no estiemos guaire chen, pero sacamos bellas cosetas en claro:

Cal fer-la (a colla) de traza seria, que no s’amorte como ixos dos intentos que ya se’n dioron.
Cal aprender d’as collas que fan isto mesmo en atras luengas (galego, catalá…).
Fer una traza de pachina y un sistema de traduzion (amenistamos hosting y dominio).
Y triballar ta fer as traduzions que podamos.

Dito isto, he creyau lo grupo softaragones en google, ta ir-mos comunicando, cuando tiengamos o hosting ya creyaremos a pachina, y prenzipiaremos a fer prebatinas d’o sistema de traduzion.

Si soz intresaus podez apuntar-bos en lo grupo http://groups.google.es/group/softaragones

De cabo cuan, encara a chen que no ye prezisamén buena fa buenas aizions, e iste ba a estar uno d’os millors exemplos que podemos meter arredol d’isto.

Y ye que lo bigardo monopolista Microsoft, claro exemplo de interpresa de software de codigo trancau y propietario, compartirá l’API d’os prenzipals productos d’els, u siga Windows y Office, y puestar que bels mas.

L’API ye como una capa d’astraczión, que fazilita a programazión y comunicazión interna d’ixos programas, por exemplo, con l’API de Windows se pueden fer cosas automaticamén con solo clamar a lo sistema operatibo, por exemplo “nimbia a segundo plano a ista finestra”, seguntes tiengo entendiu ye como una traza d’as clamadas a lo sistema de UNIX, si belún lo sabe explicar millor que lo faiga en un comentario.

Ista “compartizión” ba a consistir en a publicazión de documento de referenzia ubiertamén bia Web, y de balde.

Sin duda una notizia esperada, que ba a trayer millors programas ta windows, millor integrazión con lo sistema, suposo que o que persigue MS con isto ye ampliar lo uso; suposo que tambien lis ferá goyo a os d’o proyeuto WINE.

Bia: Barrapunto
Mas informazión: Nota de Prensa y articlo de MS

Y ye que iste blog ye de tecnolochia, no solo que d’informatica, asinas que güe tos charrare de una tecnolochia que no por biella que siga ha d’estar inutil, aunque güe solo se faiga serbir ta situazions d’emerchenzia.

Ye o morse, o codigo que se feba serbir ta comunicazions mediantes de telegrafo, aunque agora se aiga cambeau por atros sistemas u codificazions, por exemplo lo ASCII, ya que o morse no ye guaire fazil de manexar ta sistemas automatizaus.

No ye que tienga guaire interes agora ta istos tiempos que corren, pero de cabo cuan si que fa goyo echar a bista ta zaga y beyer como prenzipiaron as teunolochias que usamos autualmén, pos o telegrafo yera o primer paso d’o telefono (bueno, siñals de fumo u chuflidos, etc..), y o telefono estió l’antesala d’o fax, y o fax d’o modem.. asinas que a la fin o mesmo sobraba ixa frase que he meso a l’alto, pos isto aunque siga de traza indireuta tambien tiene que beyer con a informatica.

O caso ye que un colega m’ha pasau lo enrastre, y l’he bisto curioso, ye aprender as combinazions de puntos y rayas que fan cada caracter a trabiés d’una tabla de busqueda dicotomica (a os informaticos de seguras que tos suena isto), que en reyalidá no ye mas que seguir un camino dica que plegamos a lo caracter (tiene mas complicazions lo conceuto iste de busqueda dicotomica, pero ta isto nos sirbe tomar-lo asinas), a tabla ye ista:

asinas que imos a probar con o nombre d’o blog:

-.-. — .-. -.. — -. = CORDON
- .-. . -. –.. .- ..- = TRENZAU

Informazion: Anfrix, Wikipedia