USB 3.0 en o CES
Istos diyas s’ha podiu besitar a edicion d’o 2008 d’a feria internazional CES, y as zifras en superfizie, interpresas, produtos dixa a lo SIMO que se fa en Madrid por os suelos.
Una d’as notizias que ha dau iste CES ye que se conoixen ya como ban a estar os conectors d’o nuebo estandar USB 3.0, además de as suyas tasas de trasferenzia de datos.
Os nuebos conectors permiten tasas de dica 4,8 Gbps, cuando l’autual 2.0 plega a os 430 Mbps, ixo no impide que o nuebo estandar siga compatible con toz os dispositibos autuals, por a forma d’o conector: l’USB agora tiene 4 contautos y la masa, pos iste nuebo en tiene 5 más, un total de 9, pero as 5 nuebas, que son en a parte de deban d’o coneutor fembra, u siga, en a parte de zaga d’o coneutor macho, solo se fan serbir si s’enchegan 2 dispositibos 3.0, mientras que si uno d’ers no ye 3.0 se usan os 4 contautos como dica agora. Tos recomiendo beyer os retratos que bi ha en reghardware ta pillar a ideya.
Tambien s’ha dixau beyer un prototipo de USB optico (con dos linias de fibra optica), pero iste ye en un estau de desarrollo muito choben y no pareix que se meta en o 3.0, asinas que tendra que aguardar a lo 4.0.
Dizen que o nuebo estandar ba a rematarse ta finals de chunio d’ista añada.
Bia: Xataka
Más informazión: teleobjetivo, reghardware